एकीकडे देशभरात स्वातंत्र्याचा अमृत महोत्सव साजरा होत असतानाच मध्य रेल्वे माध्यमिक व उच्च माध्यमिक विद्यालयाचा शतक महोत्सव सन 2022-2023 या शैक्षणिक वर्षात संपन्न झाला याचा आम्हास विशेष आनंद वाटतो. ब्रिटिश राजवटीत मनमाड सारख्या ठिकाणी समाजातील सर्व घटकांना शिक्षण मिळावे म्हणून भारतीयांनी चालू केलेले राष्ट्रीय शिक्षण संस्था,मनमाड संचलित इंडियन हायस्कूल म्हणजेच आमचे मध्य रेल्वे माध्यमिक व उच्च माध्यमिक विद्यालय.